എരുമേലി: മകരവിളക്ക് മഹോത്സവം അവസാനിച്ച് ഞായറാഴ്ച ശബരിമല നട അടക്കുന്നതോടെ പ്രധാന ഇടത്താവളമായ എരുമേലിയിലും തീർഥാടകരുടെ തിരക്ക് ഒഴിഞ്ഞു.തീർഥാടനകാലത്ത് എരുമേലി ടൗണിൽ ഏർപ്പെടുത്തിയിരുന്ന വൺവേ സംവിധാനം ഇന്ന് രാത്രി മുതൽ ഉണ്ടാകില്ലെന്ന് പൊലീസ് അറിയിച്ചു. പേട്ടതുള്ളൽപ്പാത, പാർക്കിങ്ങ് മൈതാനങ്ങളും വിജനമായി. തീർഥാടകരുടെ വരവ് കുറഞ്ഞതോടെ താത്ക്കാലിക കടകളും, ഷെഡുകളും നടത്തിപ്പുകാർ പൊളിച്ചുമാറ്റിത്തുടങ്ങി. വിവിധ സർക്കാർ വകുപ്പുകൾ രണ്ടര മാസക്കാലം നടത്തിവന്നിരുന്ന പ്രത്യേക സേവനവുംഇന്നതോടെ അവസാനിക്കും.
മോട്ടോർ വാഹനവകുപ്പ്, പൊലീസ്, അഗ്നിരക്ഷാസേന, റവന്യൂ വകുപ്പുകളുടെ കൺട്രോൾ റൂമുകളുടെ പ്രവർത്തനവും പട്രോളിങ്ങും ഇന്ന് അവസാനിക്കും.
