ന്യൂഡൽഹി: റിപ്പബ്ലിക് ദിനത്തോട് അനുബന്ധിച്ച് മെട്രോ സ്റ്റേഷനുകളിൽ സിഐഎസ്എഫിന്റെ കർശന പരിശോധന നടക്കുമെന്ന് ഡൽഹി മെട്രോ റെയിൽ കോർപ്പറേഷൻ. ഇന്നു മുതൽ ജനുവരി 27 വരെ പരിശോധന ശക്തമാക്കുമെന്ന് കോർപ്പറേഷൻ അറിയിച്ചു.
ഇത് ചില മെട്രോ സ്റ്റേഷനുകളിൽ നീണ്ട ക്യൂവിന് കാരണമായേക്കാം. അതിനാൽ, യാത്രക്കാർ അതിനനുസരിച്ച് അവരുടെ യാത്ര ആസൂത്രണം ചെയ്യാനും ഈ ദിവസങ്ങളിൽ അവരുടെ യാത്രയ്ക്കായി കുറച്ച് അധിക സമയം കണ്ടെത്തണമെന്ന് നിർദേശിക്കുന്നതായും കോർപ്പറേഷൻ വ്യക്തമാക്കി.സുരക്ഷാ പരിശോധനകളിൽ ഉദ്യോഗസ്ഥരുമായി സഹകരിക്കാൻ യാത്രക്കാരോട് അഭ്യർഥിക്കുന്നുവെന്നും കോർപ്പറേഷൻ കൂട്ടിച്ചേർത്തു