വയനാട്: മാനന്തവാടി നഗരത്തിലിറങ്ങി ഭീതി പരത്തുന്ന ഒറ്റയാനെ മയക്കുവെടി വച്ച് പിടികൂടുമെന്ന് ജില്ലാ കളക്ടര്‍ രേണു രാജ്.ആനയെ പിടികൂടി തിരികെ കര്‍ണാടക വനമേഖലയില്‍ കൊണ്ടുപോയി വിടും. ആവശ്യമെങ്കില്‍ കര്‍ണാടക വനംവകുപ്പിന്‍റെ സഹായം തേടുമെന്നും കളക്ടര്‍ അറിയിച്ചു.
കർണാടക വനംവകുപ്പ് നേരത്തേ പിടികൂടി റേഡിയോ കളക്ടർ ഘടിപ്പിച്ച ആനയാണ് മാനന്തവാടി ടൗണില്‍ ഇറങ്ങി പരിഭ്രാന്തി സൃഷ്ടിച്ചത്. ആന ഇപ്പോഴും ജനവാസമേഖലയില്‍ തുടരുകയാണ്. മാനന്തവാടി- കോഴിക്കോട് റോഡിന് തൊട്ടുതാവെയുള്ള വയലിന്‍റെ പരിസരത്താണ് ആന ഇപ്പോൾ നിലയുറപ്പിച്ചിരിക്കുന്നത്.
