അ​ന്ത​ർ​സം​സ്ഥാ​ന തൊ​ഴി​ലാ​ളി​യു​ടെ ആ​ക്ര​മ​ണ​ത്തി​ൽ പൊ​ലീ​സ്​ ഉ​ദ്യോ​ഗ​സ്ഥ​ന് ഗു​രു​ത​ര പ​രി​ക്ക്

ആ​ലു​വ: . ആ​ലു​വ പൊ​ലീ​സ് സ്റ്റേ​ഷ​നി​ലെ ഡ്രൈ​വ​ർ രാ​ജേ​ഷി​നാ​ണ് ചെ​വി​ക്ക് പ​രി​ക്കേ​റ്റ​ത്.വ്യാ​ഴാ​ഴ്ച രാ​ത്രി 8.30ന് ​ജ​ല​ശു​ചീ​ക​ര​ണ ശാ​ല​ക്ക് സ​മീ​പ​മാ​ണ് സം​ഭ​വം. മാ​ന​സി​കാ​സ്വാ​സ്​​ഥ്യ​മു​ള്ള തൊ​ഴി​ലാ​ളി ഈ ​ഭാ​ഗ​ത്ത് വാ​ഹ​ന​ങ്ങ​ൾ​ക്ക് ക​ല്ലെ​റി​യു​ക​യാ​യി​രു​ന്നു. ഇ​ക്കാ​ര്യം നാ​ട്ടു​കാ​ർ അ​റി​യി​ച്ച​തി​നെ തു​ട​ർ​ന്ന് രാ​ജേ​ഷും ഒ​രു എ.​എ​സ്.​ഐ​യും കൂ​ടി ഇ​വി​ടെ​യെ​ത്തി. പൊ​ലീ​സി​നെ ക​ണ്ട​തോ​ടെ ഇ​യാ​ൾ ഇ​ഷ്ടി​ക​കൊ​ണ്ട് എ​റി​യു​ക​യാ​യി​രു​ന്നു. ഇ​തു​കൊ​ണ്ട് രാ​ജേ​ഷി​ന്‍റെ ചെ​വി മു​റി​ഞ്ഞു​തൂ​ങ്ങി.ഉ​ട​ൻ കാ​രോ​ത്തു​കു​ഴി ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും തു​ന്ന​ലി​ടാ​ൻ ക​ഴി​ഞ്ഞി​ല്ല. തു​ട​ർ​ന്ന് കൂ​ടു​ത​ൽ ചി​കി​ത്സ​ക്ക്​ രാ​ജ​ഗി​രി ആ​ശു​പ​ത്രി​യി​ലേ​ക്ക് കൊ​ണ്ടു​പോ​യി. ഇ​തി​നി​ടെ കൂ​ടു​ത​ൽ പൊ​ലീ​സെ​ത്തി തൊ​ഴി​ലാ​ളി​യെ കീ​ഴ്പ്പെ​ടു​ത്തി സ്റ്റേ​ഷ​നി​ലേ​ക്ക് കൊ​ണ്ടു​പോ​യി. ഇ​യാ​ളു​ടെ ആ​ക്ര​മ​ണ​ത്തി​ൽ നി​ര​വ​ധി വാ​ഹ​ന​ങ്ങ​ൾ​ക്ക് കേ​ടു​പ​റ്റി.