കൊച്ചി : കൊച്ചിയെ ആവേശത്തിലാഴ്ത്തി പ്രധാനമന്ത്രി നരേന്ദ്ര മോദിയുടെ റോഡ് ഷോ.വൈകിട്ട് 7.40ഓടെയാണ് റോഡ് ഷോ ആരംഭിച്ചത്.
പ്രധാനമന്ത്രിയെ കാണാന് വന് ജനാവലിയാണ് എത്തിയത്. പൂക്കളാല് അലങ്കരിച്ച തുറന്ന വാഹനത്തിലായിരുന്നു റോഡ് ഷോ.പൂക്കള് വിതറിയും കൈകള് വീശിയും മുദ്രവാക്യം വിളിച്ചുമാണ് പ്രധാനമന്ത്രി നരേന്ദ്ര മോദിയെ ആയിരകണക്കിന് ബിജെപി പ്രവര്ത്തകര് സ്വീകരിച്ചത്.
റോഡിനിരുഭാഗവും അണിനിരന്ന പ്രവര്ത്തകരെ നരേന്ദ്ര മോദി അഭിവാദ്യം ചെയ്തു. ബിജെപി സംസ്ഥാന പ്രസിഡന്റ് കെ. സുരേന്ദ്രനും നരേന്ദ്ര മോദിക്കൊപ്പം തുറന്ന വാഹനത്തില് അനുഗമിച്ചു. ആയിരകണക്കിന് ബിജെപി പ്രവര്ത്തകരാണ് റോഡ് ഷോ കാണാനെത്തിയത്. തൃശൂരിലെ റോഡ് ഷോയ്ക്ക് തൊട്ടുപിന്നാലെയാണ് പ്രധാനമന്ത്രി കൊച്ചിയിലും എത്തിയത്.
രണ്ട് ദിവസത്തെ സന്ദര്ശനത്തിനായി ഇന്ന് വൈകുന്നേരം 6.50 ഓടെയാണ് പ്രധാനമന്ത്രി നെടുമ്ബാശ്ശേരി വിമാനത്താവളത്തിലെത്തിയത്. ഗവര്ണര് ആരിഫ് മുഹമ്മദ് ഖാന്, മുഖ്യമന്ത്രി പിണറായി വിജയന് എന്നിവര് ചേര്ന്നാണ് പ്രധാനമന്ത്രിക്ക് ഊഷ്മളമായ സ്വീകരണം നല്കിയത്